客家妹子惜老公

客家妹子惜老公，好比红花恋蜜蜂，
绑紧衫尾打眼拐，三步不离双打双。

客家妹子惜老公，总愁涯郎身子空。
买只鸡　燉高丽，还有黄酒煮虾公。

客家妹子惜老公，最怕涯郎唔威风。
出门帮佢打领带，西装笔挺身价重。
客家妹子惜老公，涯郎冷暖记心中。
寒天同佢买皮袄，热天擦汗送凉风。

客家妹子惜老公，唔曾出门敲警钟。
摩托唔好开　快，食酒就爱知轻重。

客家妹子惜老公，难舍郎君去打工。
每日电话都无脱，转哩摸面摸耳公。