民间歌谣—竹仔箸

竹仔箸，长零零，件件会，无件精，阮公①会读经。读经文，阮公会造船。造船得得走，阮公会刣狗。刣狗狗肉馨，阮公会妆安。妆安圣，阮公会磨镜。磨镜光，阮公会铺砖。铺砖铺唔平，阮公会骑楹②。骑楹堵着处角头，阮公会弄猴。弄猴打猴袋，阮公会种芋。种芋脚手快，阮公会卜卦。卜卦看，阮公会打石。打石使铁槌，阮公会舞槌。舞槌使尖担，阮公会铰衫。铰衫长短裾，阮公会刣猪。刣猪大细畔，阮公会放莲③。放莲挈莲子，阮公会糶米。糶米使闪筒④，阮公会挨⑤礱。挨一斗粘，一斗糯，做二个米圆仔溜溜滑，拜弥陀佛。

注：1.阮公——我的公公。2.骑楹——坚柱子。3.放莲——种莲。4.闪筒——使用不合规格的米筒。5.挨——磨。